ШИД – Зоз покладаньом венцох на спомин памятнїк погинутим борцом, всоботу 6. децембра означени Дзень ошлєбодзеня Шиду.
Венци положели спред локалней самоуправи предсидатель општини Шид Зоран Семенович и його заменїк Бранко Новакович, потим представнїки СУБНОР Шид, Орґанизациї резервних воєних старшинох, Орґанизациї ветеранох и воєних инвалидох, Здруженя сербско-русийского товаришства, Здруженя подобових уметнїкох Шиду як и ОО СПС Шид.
Погинутим, з минуту цихосци дата чесц, панахиду при памятнїку служели сващенїки Сербскей православней церкви, а о биткох за ошлєбодзенє у Другей шветовей войни бешедовал професор у пензиї Душко Лукич.
Зоз краснима стихами шветочносц звекшали поетове Веселин Вучкович, Слободан Цвиткович и Дюрица Еделински.
