БАЧКО ҐРАДИШТЕ – Столнотениски клуб „Русин” внєдзелю, 21. децембра у Бачким Ґрадишту одбавел остатнє осме коло Южнобачкей лиґи у тей сезони процив екипи СТК „Войводина” и зазначел перше пораженє у першенстве зоз резултатом 4:2.
За екипу СТК „Русин” на тим першенственим стретнуцу бавели: Михайло Сабадош, Матей Сабадош и Марян Ковачевич.
1. Алекс Поляк – Михайло Сабадош – 3:0.
2. Чаба Шурян – Матей Сабадош – 0:3.
3. Шандор Поляк – Марян Ковачевич – 3:0.
4. Поляк/Поляк – Сабадош/Сабадош – 3:1.
5. Алекс Поляк – Матей Сабадош – 1:3.
6. Шандор Поляк – Михайло Сабадош – 3:2.
Екипа Русина у Бачким Ґрадишту одбавела остатнє осме коло у першенству и зазначела перше пораженє у лиґи после седем побидох зашором, медзитим резултат на нєдзельовим стретнуцу бул у другим плану, понеже шe скорей остатнього кола уж знало хто шампион, та ше так у идуцей сезони СТК „Русин” будзе змагац у висшей лиґи.