НОВИ САД – Фолклорни состав ветеранох Руского културного центра (РКЦ) будзе участвовац на традицийней 15. Манифестациї Зоз шпиванку зме блїзши.
Ветеранє РКЦ наступя зоз танцом Сиртаки, хореоґрафа Миломира Шайтоша и руководительку Марияну Мункачи Сивч, а Катарина Медєши одшпива коляди.
Наступя ище Женска ґрупа шпивачох Ґужаляш зоз Центра народней уметносци и общого образованя Мадярох у Войводини, Шпивацка ветеранска ґрупа КУД Светозар Маркович з Нового Саду и Мишовити хор Дружтва Словенцох Планика зоз Зренянину.
Манифестация З шпиванку зме блїзши будзе на соботу 27. децембра на 18 годзин у Културним центре Нового Саду – Трибина младих (Католїцка порта 5).
Манифестацию орґанизую Городска управа за културу Города Нового Саду и НВО Трандафили.
