ЗАҐРЕБ (ГОРВАТСКА) – У Грекокатолїцкей катедрали св. Кирила и Методия на Горнїм городу, на соботу, 20. децембра на 15 годзин отрима ше 11. Манифестацию Руснацох Републики Горватскей (РГ) Крачун у Заґребе.
У програми буду участвовац: КПД Рускиня и Руснак Заґреб, КД Руснацох Винковци, ЖВҐ Арсновиа Раєво Село, КУД Руснацох Осєк, КУД Осиф Костелник Вуковар, КУД Яким Гарди Петровци, КУД Яким Ґовля Миклошевци и КД Цвелфериї Раєво Село.
Манифестация ше отримує з цильом очуваня и розвиваня културней творчосци у форми жридлових, крачунских шпиванкох и збогацованя скарбу Рускей националней меншини и же би ше чувало и розвивало културни идентитет Руснацох Републики Горватскей.
Орґанизатор манифестациї КПД Рускиня и Руснак Заґреб и Союз Русинох РГ, а под покровительством Совиту за национални меншини РГ.