КУЛА – На схадзки Скупштини општини Кула, хтора отримана вчера 9. децембра, опозицийни одборнїки по пияти раз порушали инициятиву же би ше зменєло предсидателя Општини Дамяна Милянича.
Под час розправяня винєсли зауваги на його роботу, визначуюци спомалшеносц у реализациї проєктох и нєдостаточну транспарентносц кед треба принєсц одлуки.
Гоч инициятива ознова сцигла по дньови шор, нє достала достаточну потримовку. Од вкупно 13 опозицийних одборнїкох, шесцеро гласали за Миляничову змену, док гевти други нє потримали предклад. Понеже предклад нє мал потребну векшину, Милянич остава на чолє општини, преноша локални медиї.
После гласаня, вон поручел же локална власц предлужи укладац до инфраструктури и же фокус останє на проєктох важних за гражданох Кули и шицких других местох општини.