НОВИ САД – Дзеци давательох креви, хтори приду дац крев до Заводу за трансфузию креви Войводини на пияток 26. децембра од 7 по 19 годзин достаню пакецики.
Наймладших очекує веселе друженє, креативни активносци и нагода фотоґрафовац ше и бешедовац зоз Дїдом Мразом, док родичи буду давац крев, наводза зоз Заводу за трансфузию креви Войводини.
Того року Дїдо Мраз будзе од 12 до 14 годзин и од 16:30 до 19 годзин.
Зоз Заводу поволали людзох добрей дзеки най приду дац крев же би ше обезпечело стабилни резерви креви за крачунски и новорочни швета, а дзеци обрадовало зоз дарунками.