НОВЕ ОРАХОВО – У Доме култури у Новим Орахове, вовторок, 16. децембра отримана роботна догварка о централней преслави Националного швета Руснацох, хтора будзе отримана всоботу, 17. януара 2026. року у Новим Орахове.
Догварене же преслава почнє всоботу на 17 годзин зоз Архиєрейску службу Божу, на 18:30 годзин будзе етно стол, на 19 годзин промоция кнїжки Любу Раца и Олени Папуґа, а на 20 годзин шветочна академия. Вечера будзе у ресторану Орфей у Бачкей Тополї.
Автобус того дня руши зоз Нового Саду зоз националним оркестром, зайдзе по хор зоз Коцура хтори будзе шпивац гимни и по єдзенє за етно стол, хтори порихтаю жени зоз того валалу.
На догварки бул директор Завода за културу войводянских Руснацох Саша Сабадош, спред локалней самоуправи Бачка Тополя Ливиа Ментуш, предсидателька Совиту МЗ Нове Орахово Гайналка Шипош, предсдатель ВО Националного совиту Руснацох Славиша Сабадош, Желько Ковач, и зоз КУД „Петро Кузмяк” Таня Дудаш, Томислав Джуня и Владимир Маґоч.
