ДЮРДЬОВ – На Грекокатолїцкей церкви Рождества Пресвятей Богородици при концу роботи на билєню.
Роботи тирваю уж шейсц тижнї, за тот час орипана стара фарба, а роботи преривали рижни обставини и хвиля. Майстрове гварели, же планую шицко закончиц по стреду 31. децембер, и же робя на закончуюцих роботох.
Попри того, положене и нове ошвиценє на годзинох на церкви, на шицких штирох бокох под числами, а планує ше ошвициц ище даєдни часци церкви.
Хто жада ище вше може дац добродзечни прилог за ушоренє церкви, а прилог мож пеинєсц кажди роботни дзень на парохиї медзи 11 и 14 годзин, Николаї Кузманович.
У тей першей фази ушорйованя вонкашньосци церкви средства обезпечени зоз церковней каси и дзекуюци помоци вирних з парохиї и зоз иножемства. Як заплановане, зоз роботами на випатрунку церкви предлужи ше на яр.
