РУСКИ КЕРЕСТУР – Обовязкова обука за парастох хтори ношителє польопривредних ґаздовствох о безпечним хаснованю средствох за защиту рошлїнох, отримана вчера 18. децембра, у Руским Керестуре.
Обуку отримали овласцени фахово особи зоз Польопривредней фаховей служби Вербас – Тамара Павлица и Ливия Боґанч Андрияшевич, сотруднїци за защиту рошлїнох, як и инспектор зоз Управи за защиту рошлїнох Драґан Безбрадица.
Обука, на хторей могли буц присутни найвецей 30 особи, тирвала пейц годзини у ресторану „Три крунеˮ, а на концу орґанизоване и покладанє тесту за доставанє сертификату хтори будзе важиц пейц роки.
Обуку запровадзує Министерство польопривреди, лєсарства и водопривреди – Управа за защиту рошлїнох, а зоз цильом же би ше на безпечни способ окончовало защиту рошлїнох и так очувало здравє людзох, животиньох и животного штредку.
