ДЮРДЬОВ –У Месней заєднїци вчера, пияток 26. децембра, була порядна акция добродзечного даваня креви на хторєй було барз слабе одволанє.
Акция тирвала два и пол годзини, крев дали лєм шеснац особи, од хторих шейсц були жени, а нїхто з давательох крев нє дал першираз.
Спред Червеного крижу, секретарка Драґица Стойшин гварела же таке мале число жительох крев дало и прешлого року концом децембра, алє и же вше частейше зменшана заинтересованосц дац крев.
Од штирох местох општини Жабель, Червени крижи и Завод за трансфузию креви Войводини добродзечне даванє креви у Жаблю и Чурогу орґанизую штири раз до рока, у Дюрдьове три раз, а у Ґосподїнцох пре мале число одволаних таки акциї ше нє орґанизує длукши час.
Шлїдуюца акция даваня креви у Дюрдьове будзе у априлу.
