НОВИ САД – У остатнїм 52. тогорочним числу новинох „Руске слово”, у рубрики Тижньовнїк текст о значним ювилею – 260 роки образованя по руски у Коцуре, а ту и напис о нєдавно отриманей конференциї о меншинских медийох у диґиталней ери, отриманей у Новим Садзе.
Швето Миколая по юлиянским календаре преславене по наших местох, а Вилїя и Крачун по новим календаре преславени у Руским Керестуре. Вецей о тим на бокох – Духовни живот.
У рубрики Култура и просвита преношиме атмосферу з Дзецинскей крачунско-новорочней програми „Пахулька” хтора пондзелок отримана у Руским културним центре у Новим Садзе. На бокох Нашо места, вецей подїї по наших местох хтори наявюю швета пред нами: Ґрупа „Ария” з Керестура обявела спот и нову шпиванку, у Коцуре бул Каритасов крачунски вашар, у Дюрдьове наймладши достали пакецики од Мото-клуба „Ґеорґиє”.
У рубрики Економия текст о фамелийним бизнису Даяни и Бояна Гаргайових з Нового Саду, док у рубрики Людзе роки живот стретнуце зоз Силвестаром Колбасом, фотоґрафом, знїмательом, режисером и професором зоз Самобору.
Зоз рубрики Спорт видвоюєме Жимски ноцни турнир у малим фодбалу хтори всоботу закончени у Руским Керестуре.
На бокох Ґоруци тепши – медовнїки, а у тим числу и остатнє тогорочне число додатку Литературне слово, з тей нагоди пошвецене поезиї.