РУСКИ КЕРЕСТУР – На нєдзелю, 28. децембра Руска матка означи 35-рочнїцу од снованя зоз Виставу зоз VII Подобовей колониї Еуфемия Гарди и поетско-музичним вечаром.
Програма означованя 35-рочнїци почнє на 16 годзин зоз отвераньом вистави малюнкох зоз VII подобовей колониї Еуфемия Гарди, хтора отримана 20. октобра у Руским Керестуре.
На 17 годзин будзе Поетско-музични вечар пошвецени Юлиянови Надьови, а означи ше и 85 роки професорови др Юлиянови Рамачови.
Нащивительом на Вистави обезпечени безплатни прикладнїк подобового каталоґа зоз VII Подобовей колониї Еуфемия Гарди, а нащивительом Поетско-музичного вечара подарує ше – Мурови календар 2026 Рускей матки и Културно-просвитного дружтва ДОК – Нови Сад.