СРБОБРАН – У рамикох Жимскей лиґи, всоботу 20. децембра у Србобрану екипа Русина одбавела два стретнуца процив екипох ФК Нєґошева и ФК Искра и у єдним стретнуцу одбавели нєришено, док єдно стретнуце страцели.
На тим стретнуцу бавели дзеци хтори ходза до другей класи основней школи.
ФК Русин 2017 – ФК Нєґошево 2017 – 2:2. Обидва ґоли за екипу Русина дал Лука Кренїцки.
ФК Искра 2017 – ФК Русин 2017 – 4:0. Ґоли за екипу Искри дали: Лазар Филеп (2), Василиє Дюрдїч (1) и Арсениє Радошевич (1).
Екипу Русина на стретнуцох водзел Денис Югик, док екипу Искри на стретнуцу водзел Неманя Родич.
