ШИД – У Словацким доме всботу, 7. фебруара отримана традицийна 29. туристична манифестация „Сримска колбасияда“ у орґанизациї Здруженя гражданох „Сримска забивачка и колбасияда“.
Фахова комисия оценьовала 170 прикладнїки и то у трох катеґорийох: сримска колбаса, медзинародна катеґория и куленова сека.
Апсолутни шампион при сримскей колбаси Оля Чобанович зоз Шиду, а злато освоєл „Домашнї деликатеси Зоранович“ зоз Шиду.
У медзинародней катеґориї злато освоєл Неманя Чулибрк зоз Бравского зоз Босни и Герцеґовини, а у катеґориї куленова сека „кулен Воїнович“ зоз Кузмину.
Нащивителє могли купиц швижи пражени колбаси як и сухи и швижи шкварки, бо ше випражовало масц, а продукователь Срдян Сокол зоз Бикичу предавал вино.
На концу вечара у сали Словацкого дома отримана шветочна вечера на хторей преглашени найлєпши продукователє.
