РУСКИ КЕРЕСТУР – У Основней и штреднєй школи зоз Домом школярох „Петро Кузмяк”, ґимназиялцом 2. и 3. класи руских оддзелєньох, вчера, 30. януара отримана презентация о Википедиї, шветовей отвореней интернет енциклопедиї.
Презентацию школяром отримали Светлана Папуґа и Иринка Олеяр зоз Руского Керестура.
Под час того стретнуца школяром насампредз представена Шветова Википедия, та и Википедия по руски, а потим су поволани сотрудзовац и збогациц змист рускей Википедиї.
Визначене же руски язик 2022. року достал свой медзинародни РСК код, цо було перше и ключне условиє же би ше порушало руску Википедию.
З оглядом же на тим проєкту у тей хвильки робя вкупно лєм седмеро сотруднїки, циль презентациї бул же би ше ґимназиялцох упознало зоз функционованьом Википедиї и порушало их уключиц ше до дальшого розвою змисту на руским язику.
