ТEМЕРИН – У спортскей гали у Темерину ше од 14. по 24. януар отримує Медзинародни януарски саям вина, у орґанизациї Дружтва приятельох башти.
На сайме ше представя продукователє вина зоз Сербиї, Мадярскей, Горватскей, Румуниї, Словацкей, Болгарскей, Молдавиї и Словениї, а медзи нїма и Винария Лацко зоз Руского Керестура, Винария Сокол зоз Бикичу и вина Гудак зоз Нового Саду.
Главни змисти на Сайму вина оценьованє прикладнїкох, фахово дискусиї и черанка искуствох продуковательох вина, а тиж и деґустация вина за нащивительох и провадзаца програма.
Єден з членох жирия хтори будзе и оценьовац вина на сайме Юлиян Рац зоз Руского Керестура гварел за Рутенпрес же ше прикладнїки вина придава од 14. по 16. януар, а вина ше будзе оценьовац на соботу 17. янура. Гражданє годни присц и коштовац приявени вина на соботу, 24. януара кед ше и додзелї награди.
