КУЛА – У Шветочней сали Скупштини општини Кула, 29. януара, отримана едукативна трибина Караван здравя.
Циль трибини указац важносц превенциї кардиоваскуларних хоротох, а орґанизує ю Министерство здравля у сотруднїцтве зоз Институтом Милан Йованович Батут и локалнима самоуправами по Сербиї, медзи хторима и Општина Кула.
На трибини було присутне вельке число медицинских роботнїкох, як и гражданох хтори були заинтересовани послухац о тей важней теми.
Проф. др Небойша Тасич, кардиолоґ и совитнїк министра здравя, медзи иншим, наглашел же од 29. януара у кулским Дому здравя починаю превентивни кардиолоґийни препатрунки зоз идентификацию фактора ризику, а после того, и зоз персонализовану програму превенциї.
З тей нагоди, директорка Дома здравя Кула, др Весна Томич, поволала шицких гражданох општини Кула же би у наиходзацих дньох обовязно пришли ше препатриц, же би вираховали свой кардиолоґийни ризик и так очували свойо здравє. Ґу тому, директорка наявела превентивни препатрунки у кулским Дому здравя, у наиходзацим периодзе, и зоз рижних других обласцох медицини.