БЕОҐРАД – Пензионере у Сербиї можу витвориц право на безплатну регабилитацию у купельох, а прияви за витворйованє тих правох за 2026. рок требали би почац нєшка, 12. януара одлучене на схадзки Управного одбору Републичного фонду за пензийне и инвалидске осиґуранє (ПИО фонд), хтора отримана 5. януара.
Оценює ше же того року на безплатну регабилитацию, хтора тирба 10 днї, до даєдней банї у Сербиї, пойдзе 22090 хасновательох пензийох, а тельо и єст и приявени места у баньох.
ПИО фонд уж вецей роки видвоює средства за тоту намену а того року список установох у хторих ше мож регабилитовац преширени. Ранґованє приявених пензионерох ше будзе одредзовац по бодох, так же предносц буду мац старши пензионере. На прелиминарни лїстини годно уложиц жалбу, а одлуку приноши комисия.
Вецей информациї мож опатриц на сайту ПИО фонда.