СЛОВАЦКА – Початком рока сцигла жалосна вистка же умар o. Йозеф Селин. Народзени є у Медзилаборцох 23. януара 1939. року од оца Йозефа и мацери Мариї народзеней Ґутик. Основну школу закончел у Снини, а штредню будовательну у Кошицох 1957. року.
Студиї закончел на Технїчним факултету у Кошицох зоз титулу инженєра. Року 1965. ше оженєл зоз Монику Буткович. Маю тройо дзеци Катарину, Елену и Яника Йозефа.
Познєйше студирал теолоґию. Нїзши чини достал у Заґребе 2000. року. А тиж и поддияконат и дияконат. За священїка є пошвецени 19. ауґуста 2000. року у Дюрдьове. Пошвецел го владика Славомир Микловш.
Священїцку службу окончовал як парох у Ґосподїнцох од 20. новембра 2000 року. Ту докончел будованє парохиялного дому и пошорел церкву з вонка и з нука. Врацел ше до Словацкей 2004. року, а 2006. року ознова приходзи до Сербиї за пароха у Беркасове дзе службовал до 2010. року кед одходзи дефинитивно до Словацкей.
Священїк Йозеф Селин ше упокоєл 2. януара 2026. року.