ДЮРДЬОВ – Дзеци зоз шицких предшколских установох на териториї општини – зоз Дюрдьова, Ґосподїнцох, Жаблю и Чуроґу, вовторок, 23. децембра достали новорочни пакецики хтори обезпечела локална самоуправа.
Дїдо Мраз подзелєл коло тисяч пакецики, остатнього дня пред початком жимского школского розпусту. Того дня дзеци зоз спомунтих ПУ патрели представу Едукативного центру зоз Суботици „Куфер новорочней радосци”.
