НОВИ САД – Вишла януарска „Заградка”, а вєдно з ню и дарунок – календар за 2026. рок.
Рубрика Пречитали и роздумали понука простор за писанє и рисованє стрипа на тему Дня Руснацох, Госци и новосци дава прегляд дзецинских збуваньох коло крачунских и новорочних шветох, док у рубрики Сцеме знац и упознац зазначене друженє зоз оводарцами, означованє 260 рокох образованя у Коцуре, як и крачунско-новорочна програма „Пахулька” у Новим Садзе.
У Читальнї мож пречитац два интересантни приповедки и писньочку у сличкох. Мала заградка наймладшим понука писньочку, як и креативни задатки.
Вецей боки и у тим „Заградковим” першим чишлє у тим року пошвецени школярским и оводарским литературним и подобовим роботом. У „Заградковей” рубрики Док вирошнєм будзем… дохторка Ана Варґа дзецом представела свою професию.
На Забавних бокох мож ришиц вецей интересантни задатки, у рубрики Радио у Заградки пречитац видумани интервю зоз Миколом М. Кочишом, док у рубрики Мой любимец Филип Буила зоз Коцура представел читачом свою коритнявку.