БИКИЧ – Всоботу, 23. априла, коло терену ОФК „Бикич”, хтори бул и єй орґанизатор, отримане пияте змаганє у вареню шкембичох – „Шкембичияда”.
Змагали ше 18 екипи з Бикичу и сушедних местох, а перше место освоєла екипа „Доґана 2000”, хтора як награду достала вельки котлїк за варенє. Друге место освоєла екипа з назву „Шефове”, хтора достала ґрил за роштиль, а треце место освоєла екипа „Бикичанки”, и достала менши котлїк.
Награди обезпечела Месна заєднїца Бикич, а преглашованє побиднїкох було на шветочней вечери у просторийох ОФК „Бикич”.