ШИД – На вчерайшей схадзки Скупштини општини (СО) Шид, одборнїки вигласали ребаланс буджета за 2023. рок з хторим вкупни приходи утвердзени у суми од 1.830.540.200 динари, а розходи на 1.826.530.200 динари и у чечуцей резерви опредзелєни штири милиони динари.
СО тиж вигласала и програми роботи зоз финансийнима планами явних подприємствох и установох за 2024. рок, хторим є снователь як и финансийни плани директних хасновательох буджета и то Општинскей управи, предсидателя општини, Скупштини општини, Општинскей ради и Општинского правобранителя.
СО дала согласноц на звекшанє ценох ЯКП „Стандард“ и „Водовод“ до 10 одсто у 2024. року за свойо услуги.
Тиж дали и согласносц на явни контракт о явно приватним партнерстве за длугорочне випоручованє цеплотней енерґиї за 24 явни будинки и реконструованє системи за продукцию цеплотней енерґиї.
