Наджиц власни идентитет, то успих (фото)

автор Ол. Папуґа
779 Опатрене

НОВЕ ОРАХОВО – Локална преслава Националного дня Руснацох отримана и у Новим Орахове. Орґанизаторе були Подручна канцелария Националного совиту Руснацох и КУД „Петро Кузмяк”.

Предсидателька дружтва Таня Дудаш привитала предсидательку вивершного одбору Месней заєднїци Нове Орахово Гайналку Шипош, заменїка предсидателя Општини Бачка Тополя Томик Нимрода, предсидателя совиту месней заєднїци Йозефа Фекеча, представительох дружтвох зоз хторима Руснаци сотрудзую.

Тамбурови оркестер Дружтва одшивал нашу святочну шпиванку Браца Русини, а рецитал хтори написани по тексту покойней професорки Сенки Бенчик читали Любомир и Срдян Ґовля, Владимир Маґоч, Таня Дудаш, Лана Горват, Даниєла и Миряна Бицок. Дзецинска шивацка ґрупа у хторей були Ана и Марина Маґоч, Андрей и Иван Маґоч, Никола и Йована Станисавлєвич и Миряна Бицок шивали коляди, и нашо народни шпиванки, провадзел их оркестер дружтва.

У рециталу облапене приселєнє Руснацох, а окремни акцент дати на живот наших людзох у Новим Орахове. Зоз боляцу историю, алє и надїю до лєпшпго живота тота наша мала грудка жиє живот чуваюци свой руски идентитет.

Як то уж Ораховчанє знаю, друженє було веселе при смачней вечери.

ПОВЯЗАНИ ТЕКСТИ