Предлужени рок за приявйованє за подзвигованє длуствох од Хладзальнї „АБЦ ФУДˮ

автор Ан. Медєши
259 Опатрене

РУСКИ КЕРЕСТУР – У просторийох Месней заєднїци Руски Керестур, ище вше ше мож приявиц за подзвигованє длуствох од Хладзальнї „АБЦ ФУД”. Пре вельке одволанє, рок предлужени по пондзелок 22. април.

Здогаднїме, у Месней заєднїци нєдавно обявени список 300 поверительох Хладзальнї „АБЦ ФУД”, векшина паприґарох и дакедишнїх роботнїкох, хторих заступала адвокатка др Мария Йоксович, а хторим ма буц розпоредзена сума од 500.000 динари.

На списку ше находза поверителє зоз штвартого шора нєобезпечених поверительох, медзи хторима найчисленши польопривредни продукователє хтори од хладзальнї поглєдовали пенєж за нєвиплацени придати продукти.

По Плану реорґанизациї, на 300 поверительох, будзе розпоредзена сума од 500.000 динари, а наявени ище єден круг розподзельованя пенєжу.

Поверителє, по пондзелок 22. април, треба же би у просторийох Месней заєднїци охабели свой жиро-рахунок и одчитану особну карточку.

ПОВЯЗАНИ ТЕКСТИ