Упокоєла ше Хилда Дора Солонар

автор Г. Колєсар
233 Опатрене

СЕРИ КЕМБАНҐАН (МАЛЕЗИЯ) – У варошу Сери Кембанґан, у далєкей Малезиї, 18. априла упокоєла ше Хилда Дора Солонар (98) супруга др Владимира Солонара (1926–2012), патолоґа, хтори бул родом зоз Руского Керестура.

Хилда дзив. Улман (Uhlmann) народзена 18. марца 1926. року у варошу Ерзґебирґ у Нємецкей. Хилда закончела тарґовецку академию и почала робиц. Медзитим, после другей шветовей войни єй край Саксониї вошол до гранїцох Восточней Нємецкей. После 10 рокох живота у комунизме єй ше, з пар приятелями, удало прейсц гранїцу и долапиц ше Заходного Берлину. Було то лєм пар роки пред тим як бул подзвигнути познати Берлински мур.

Як млада дзивка, Хилда ше нашла нєодлуга у Америки, у Пенсилванї, и ту ше стретла зоз др Владимиром Солонаром хтори пред тим ту припутовал зоз Французкей. Хилда и Владимир ше винчали 1962. року. У малженстве мали дзивку Корину и синох Артура и Теда. Векшину живота вони зоз свою фамелию препровадзели у союзней держави Монтани дзе др Владимир Солонар робел як патолоґ.

После шмерци супруга Владимира (1926–2012) Хилда Солонар предлужела жиц у фамелиї єй дзивки Корини у Сиєтлу, у союзней держави Вашинґтон, одкаль ше о даскельо роки преселєли до Малезиї.

ПОВЯЗАНИ ТЕКСТИ