ШИД – У Руским доме вчера отримана Вельконоцна роботня за дзеци хтори уча руски язик як виборни предмет у основних школох у општини Шид.
Вєдно зоз наставнїцу Наташу Еделински Миколка дзеци зоз Шиду, Беркасова, Бачинцох, Бикичу и Куковцох писали писанки, хасновали и нови технїки и фарби за прикрашованє писанкох.
Дзекуюци женом зоз Здруженя женох „Маря“, предсидательки Ясминки Димитриєвич и членїци Вери Трифунович дзеци дознали и як ше рихта сирец за Вельку ноц, а малярка Андєлка Античевич з Беркасова помагала коло малюнкох на склу.
