РУСКИ КЕРЕСТУР – Дом култури Руски Керестур розписал два конкурси – за нови шпиванки за дзеци за „Червене пупче” и нови шпиванки у забавним духу за „Червену ружу 2024”.
Обидва конкурси отворени по 29. фебруар 2024. року, а конкуровац можу шицки заинтересовани особи зоз жеми и иножемства. Єдна особа може буц автор, лєбо коавтор найвецей двох шпиванкох.
Єдно з условийох и же шпиванки котри ше посила на конкурси нє шму буц предходно виводзени.
Приява на конкурс посила ше по пошти, або особнє на адресу: Дом култури Руски Керестур, Русинска 75, 25233 Руски Керестур, за Фестивал рускей култури „Червена ружа”.
Лєбо на мейл: dk.kerestur@gmail.com
Цали тексти и условия конкурсох мож опатраиц на сайту Дома култури Руски Керестур.
