НОВИ САД – И у априлским числу часописа Заградка, окрем порядних рубрикох, читачом пририхтани и окремни дарунок – вифарбйованка зоз сликовнїци „Наша свадзба” котра нєдавно обявена у нашей едициї.
У рубрики Сцеме знац и упознац пише о премиєри дзецинскей представи „Побиднїки”, а Дарио, Алиона и Леон Корпашово у рубрики Мой любимец представели свою ящурку Лєва Ґека.
На боку Радио у Заградки мож пречитац о тим як ше маме справовац кед сцеме зачувац здраву планету, а Читальня понука драмску сличку.
И Мала Заградка ма уж познати боки за наймладших, док свойо роботи школяре можу пречитац у рубрики Школяре авторе.
У хторих активносцох дзеци були успишни пише у рубрики Госци и новосци, а як треба написац добри состав пише у рубрики Питаня и толкованя.
И у тим чишлє пририхтани облюбени Забавни боки и Заградкова ґалерия.