БЕРКАСОВО – З нагоди святого Трифуна, защитнїка винїцарох, вчера отримана традицийна 29. манифестация пошвецена вину „Сримска винияда“.
Винияда нє була богата цо ше дотика приявених винох за оценьованє як прешлих рокох, а причина подли прешли рок за продукцию грозна, а и вина.
У конкуренциї билих винох було 11 прикладнїки, а по словох поверенїка општини Шид за МЗ Беркасово Ненада Видовича, перше место освоєл Дарко Дєрчан зоз Шиду, друге Предраґ Митрович зоз Беркасова, а треце Даниєл Дошкович зоз Пули з Републики Горватскей.
У конкуренциї червених винох було приявенe 10 прикладинїки, а перше место освоєла Биляна Митрович з Беркасова, друге Йован Лазич зоз Шиду, а треце Ґоран Прерадович зоз Шиду.
Як и потерашнї роки вина оценьовал дипломовани инженєр Слободан Шапоня зоз Шиду, а орґанизатор винияди була МЗ Беркасово з потримовку локалней самoуправи и Здруженя женох „Жридло“ з Беркасова.