РУСКИ КЕРЕСТУР – З нагоди тогорочней Мултимедиялней манифестациї младих Дньовка, хтора будзе отримана на соботу, 21. новембра тих дньох розписани фото-конкурс за найлєпшу авторску фотоґрафию на тему Адреналин, a мож ше приявиц и за участвованє на Дньовки.
Орґанизторе манифестациї, млади зоз Здруженя Пакт Рутенорум, поволую шицких, без огляду на роки старосци, котри ше аматерски лєбо професийно занїмаю з фотоґрафованьом, же би на свой автентични способ приказали свойо дожице поняца адреналину.
Єдна особа може послац найвецей три фотоґрафиї, з особнима податками на е-mail pactruthenorum.foto@gmail.com, а орґанизаторе за найлєпших обезпечели пенєжни награди – за 1. награду предвидзени 7.000 динари, 2. награда достанє 5.000 динари, 3. награда 3.000 динари, а побиднїк награди публики достанє 2.000 динари.
Попри фото-конкурсу, отворена и приява за участвованє на Дньовки на хтору ше мож приявиц прейґ дружтвених мрежох Pact Ruthenorum, або прейґ їх мейла pactruthenorum@gmail.com.
Термин и за фото-конкурс и за прияву за участвованє, отворени по стреду 11. новемер.
