Нове Орахово – Манифестация Ораховска єшень, шеста по шоре позберала любительох рускей музики, а през шпиванку и тамбурку послате важне порученє: култура и традиция ше у таких местох як Орахово чува през рижни манифестациї, хтори члени КУД „Петро Кузмяк” дзечнє орґанизую.
На манифестациї пияток, 16. октобра грали седем тамбуровио оркестри – зоз Торньошу, Вербасу, Чантавиру, Руского Керестура и домашнє руске и мадярске културно-уметнїцке дружтво.
Манифестацию финансийно потримали Покраїнски секретарият за образованє, предписаня, управу и национални меншини, национални заєднїци, Национални совит рускей националней меншини, Општина Бачка Тополя и Месна заєднїца Нове Орахово.
