ШИД – На схадзки Скупштини општини Шид, хтора вчера, 10. септембра отримана по швидким поступку, одборнїки на дньовим шоре мали лєм два точки дньового шора, а то розпатранє Предлога Одлуки о вименкох и дополнєньох Одлуки о буджету општини Шид за 2026. рок и друга точка була питаня, предкладаня и информациї.
Одборнїки владаюцей векшини, на схадзки нє були присутни опозицийни одборнїки, вигласали такволани ребаланс буджету хтори виноши у приходох 1.794.340.000 динари, у стаємней резерви опредзелєни 500.000 динари, а у резерви 16.120.000 динари.
Як пред тим у уводних словох обгрунотовала руководителька Оддзелєня за буджет и финансиї Општинскей управи Ядранка Недич, до ребалансу пришло прето же уплацени 123 милиони динари з висших уровньох власци хтори з першобутну одлуку нє були утвердзени кед вигласани буджет за 2026. рок.
