НОВИ САД – У Лиманским парку, на соботу у нєдзелю, 12. и 13. септембра будзе отримани Фестивал ґастрономиї „Смаки Войводини”. И того року продукователє домашнїх єдлох, напою зоз Войводини виложа свойо продукти.
Годно коштовац и купиц рижни войводянски специялитети. Як наявели орґанизаторе понукнути буду продукти од бачких салашох по сримски винїци и банатски пекари: кулену, шунки, колбаси, рижни файти сира, домашнї резанки, куґлофи, колачи на квасу и рижни лакотки.
Орґанизатор манифестациї Город Нови Сад, а нащивителє и того року годни коштовац домашнї продукти и провадзиц кухарски роботнї на отвореним у парку. Фестивалска програма, обидва днї почнє на 12 г и будзе тирвац до 20 годзин, а уход ше нє наплацує.