КОЦУР – На вчерайшей схадзки Наставнїцкей ради у Основней школи „Братство єдинство” у Коцуре у школским 2025/2026 року припознанє Школяр ґенерациї додзелєне школярки Минї Шкрбич.
На основи приложеней документациї и посцигнутих успихох, на схадзки потвердзене же праве вона треба же би була ношитель того припознаня.
Окрем того, на схадзки Наставнїцкей ради принєшена и одлука о додзельованю найвисшого школского припознаня – Вуковей дипломи.
За окремни общи успих, прикладне справованє и посцигнути резултати у шицких наставних обласцох през вкупне школованє додзелєни штири Вуково дипломи. Школярки котри достали тото припознанє то школярка осмей класи руского оддзелєня Юлияна Бесерминї, як и школярки зоз сербского оддзелєня Миня Шкрбич, Катарина Кухар и Ива Йолич.
