НОВИ САД – Конститутивна схадзка Управного одбору Заводу за културу войводянских Руснацох (ЗКВР) будзе нєшка, 10. юния, на 16:30 годзин, у просторийох Заводу (Матици сербскей 15, Нови Сад).
На схадзки ше верификує Ришеня членох и конститує Управни одбор ЗКВР, тиж ше и поинформує о прияви маєтку Аґенциї за борбу процив корупциї.
Такой после конститутивней схадзки будзе отримана и перша схадзка Управного одбору ЗКВР, за хтору предложени седем точки дньового шору. Медзи иншим будзе ше прилапйовац розришенє и приношенє ришеня о претаргованю роботного одношеня зоз Сашом Сабадошом и прилапйовац Ришеня о менованю в.д. директора и заключенє Контракту о роботи зоз Ренату Вуясинович. Тиж ше принєше Одлуки о заменїкови предсидателя УО ЗКВР, о прилапйованю вименкох и дополнєньох Плану набавки на хтори ше закон нє применює за 2026. рок, а принєше ше и Правилнїк о поступку нукашнього збуньованя.