РУСКИ КЕРЕСТУР – Стреду, 10. Юния, уж як традиция наклада роками, школяре штвартей класи Основней школи „Петро Кзумяк” зоз пригодну програму ше одпитали од своєй учительки и учителя, а привитали будуцих першокласнїкох зоз Дзецинскей заградки „Цицибан”.
Штварту класу у керестурскей Школи „Петро Кузмяк” закончую 33 школяре, подзелєни до двох оддзелєньох котри вивєдли учитель Марко Новакович, и учителька Нада Колошняї.
46-еро будуци першокласнїки пришли зоз своїма воспитачками Емилию Костич, Наташу Настасич, и Наташу Варґа.
Школяре пририхтали програму на котрей шпивали, грали, рецитовали и танцовали, а зоз пригоднима шпиванками и рецитациями ше представели и будуци першокласнїки.
