ЖАБЕЛЬ – Туристична орґанизация Општини Жабель и того лєта орґанизує Манифестацию за дзеци „Дзецинске забавне лєто”. Манифестация будзе отримана у центре Жаблю, у парку при општинским будинку. Отверанє будзе на пондзелок, 15. юния, а програма будзе тирвац седем днї, по нєдзелю, 21. юний.
У рамикох Манифестациї буду каждодньово обдумани змисти за дзеци младшого и старшого возросту, представи, роботнї, танци и спортски змаганя, маґични шоу и подобне. Програма почнє на 18 годзин.
Перши дзень, пондзелок, 15. юния на 18 годзин будзе смотра народних танцох, а на 19 будзе орґанизована интерактивна роботня зоз загатками.
На вовторок, 16. юния на 18 годзин будзе представа „Торта за родзени дзень” у виводзеню „Театер у куфру”. На 18:30 годзин будзе орґанизована годзина сучасного танцу Зумба за дзеци котри прикажу танцоше зоз ґрупу „M style dance” зоз Жаблю. На 19 годзин будзе орґанизована програма аниматора Неци под назву „Потраґа за блаґом”.
Стреду 17. юния на 18 годзин будзе виведзена театрална представа „Аладин и чаривни лапмаш” у виводзеню театру „Алерґето”. На 19 годзин почню спортски змаганя у рамикох забавней програми „Тодорова школа спорту”.
На штварток, 18. юния на 18 годзин будзе театрална представа „Їжова хижка” у виводзеню театра „Весела коритнявка”. На 18:30 годзин будзе орґанизована годзина сучасного танцу Зумба за дзеци а указовац крочаї буду снователє „M style dance” зоз Жаблю. На 19:15 годзин дзеци будзе забавяц аниматор Неца у програми „Водови дзень”.
Пияток, 19. юния на 18 годзин дзеци будзе забавяц маджионичар Воларе, а на 19 годзин наступи „Кампертон бенд”.
На соботу 20. юния на 18 годзин будзе представа „Рибар и златна рибка” у виводзеню театру „Позориштанце Єленица”, а на 19 годзин почнє спортске змаганє „Бависка без гранїци” котре обдумали „Magic animatori”.
На нєдзелю, 21. юния остатнї дзень Манифестацию за дзеци „Дзецинске забавне лєто”. На 18 годзин будзе приказана представа „Зарно Клас и полудзели компас” у виводзеню ґлумца Желька Веселька. На 19 годзин будзе друженє и танцованє зоз маскотами зоз „Magic animatori”. За конєц Манифестациї, на 20 годзин будзе „Led robot show & UV zurka” у орґанизациї „Magic animatori”.
Орґанизатор Манифестациї за дзеци „Дзецинске забавне лєто” Туристична орґанизация Општини Жабель з финансийну потримовку Општини Жабель.
