НОВИ САД – Вишло двочисло Заградки зоз вецей боками и зоз налїпками за теки и учебнїки.
Юнийско-юлийска Заградка у рубрики Пречитали и роздумали понука простор за ришованє креативного задатку, Госци и новосци даваю прегляд збуваньох у прешлим мешацу, док рубрика Сцеме знац и упознац преноши атмосферу зоз манифестациї за дзеци Веселинка, хтора отримана у Новим Садзе, як и зоз змаганя Шпиваночка у Коцуре.
У Читальнї мож пречитац часточку зоз новей кнїжки за дзеци Шпациранє по вселени автора др Роберта Джуджара, як и писньочку у сличкох, a и Мала заградка наймладшим понука литературу и креативни задатки.
Вецей боки и у тим Заградковим двочишлє пошвецени школярским и оводарским литературним и подобовим роботом, а обявени и наградзени состави на Смотри кирилскей писменосци у Тителю.
У Заградковей рубрики Док вирошнєм будзем… гласовни ґлумец Никола Сивч представел свою професию.
На Забавних бокох мож ришиц вецей интересантни задатки, Радио у Заградки понука интересантни текст о родзинох, а у рубрики Мой любимец Катʼя Тимко зоз Дюрдьова представела читачом свойого куцова.
