НОВИ САД – На Радио програми по руски нєшка на 12:30 годзин, будзе емисия Дом и фамелия, а на 21:30 годзин Емисия за младих.
У емисиї Дом и фамелия будзе ше бешедовац о рижних темох. Прешлого викенду у Руским Керестуре отримана треца манифестация Смаки традициї котру орґанизує Здруженє гражданох Руска скарбнїца. На манифестациї нащивителє могли видзиц як ше прави традицийни руски єдла, а могли их и покоштовац. Окрем того могло ше койцо и купиц. Европска уния и того року означує такволани Желєни тидзень од 4. по 13. юний. Основна и штредня школа зоз домом школярох Петро Кузмяк з Руского Керестура достала награду як єдна зоз найуспишнєйших воспитно-образовних установох у рамику Програми За чистейши и желєнши школи у Войводини за школски 2025/2026 рок.
Емисию Дом и фамелия мож послухац кажду стреду на 12:30 годзин на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.
У Емисиї за младих, нєшка на 21:30 годзин, будзе слова о доме школярох у Руским Керестуре, а потим и о упису на Оддзелєнє за русинистику на Филозофским фaкултету у Новим Садзе. Госцинска у нєшкайшей емисиї будзе фотоґрафка Ивана Медєши зоз котру ше предлужи розгварку о фотоґрафованю.
Емисия за младих ше емитує премиєрно каждей стреди на УКТ габох радия РТВ на 92, 100 и 107,1 мгг, на 21:30 годзин и репризно штварток на 12:30 годзин, а мож ю послухац и на одложеним слуханю на сайту РТВ. Редакторки и водительки емисиї Ванеса Медєши и Мирела Тимко.
