АПОСТОЛСКИ ЕҐЗАРХАТ – У векшини парохийох нашого Апостолского еґзархату хтори ше притримую юлиянского календару нєшка, 28. новембра, почина Крачунски пост.
Крачунски пост штрерацецдньови период пририхтованя за найрадоснєйше християнске швето – Рождество Христово – Крачун, хтори ше преславює од 25. по 27. децембер (по шветовним календаре за тих котри ше ровнаю по юлиянским то од 7. по 9. януар).
Попри духовного пририхтованя, Церква вирним у Крачунским посце перши и остатнї дзень посту (на Вилїю) наклада строго посциц у єдзеню, стредами и пиятками посциц „по било”, одн. без меса, а други днї по шлєбодним виборе вирних.
У тим периодзе нє дошлєбодзени свадзби и други явни вешеля.