КОЦУР – Євангелска церква з Коцура и того року обезпечела дарунки за шицки дзеци з валалу, потим дзецом зоз загрожених фамелийох, та дзецом ромскей националней меншини з Коцура и зоз сушедних местох. Пакецики-дарунки у Коцуре подзелєни вчера и позавчером.
И того року дарунки з иножемства, тераз з Анґлиї, дзе их за своїх парнякох пририхтали дзеци з тамтейших школох, а прейґ орґанизациї „Samaritan’s Purse”, у рамикох проєкту „Operation Christmas Child”.
Пондзелок дарунки достали дзеци у коцурскей дзецинскей заградки, а вчера школяре од першей по штварту класу ОШ.
Тих дньох пастор євангелскей церкви дарунки подзелєл и по обисцох младшим дзецом, котри ище нє ходза до предшколскей установи.
Под час дзелєня дарункох, дзеци з євангелскей церкви виведли крачунску драмску програму.