НОВИ САД – У Новим Садзе вчера на Площи шлєбоди отворени Перши Фестивал националних кухньох „Food planet”, а першу ше представя кухню Чарней Гори. На отвераню манифестациї бешедовали предсидатель Городскей Скупштини Здравко Єлушич и ґенерални конзул Чарней Гори у Сербиї Миодраґ Канкараш.
Нащивителє годни коштовац чарногорски специялитети и вина, алє и уживац у културно-уметнїцкей програми уметнїкох з Чарней Гори.
У наступних 30 дньох Новосадяном ше представя и други амбасади з єдзеньом своєй держави. Годно попробовац специялитети 30 националних кухньох, упознац їх културне богатство, як и уживац у традицийней и сучасней музики.