У новим „Руским слове”

автор С. Фейса
167 Опатрене

НОВИ САД: У найновшим, седемнастим чишлє новинох „Руске слово”, на бокох Тижньовнїка звит з Покраїнскей влади же ресорни секретар за привреду и туризем др Ненад Иванишевич войводянским поднїмательом уручел контракти о субвенционованю за тот рок.  

У рубрики Нашо места на схадзки Скупштини општини Кула пришло до инциденту, а вецей простору на бокох дате нашим школяром хтори зазначели успихи на рижних змаганьох. На бокох Економиї польопривредни поднїматель Владимир Олеар з Коцура бешедує о стану шацох на його польох, алє и вше векшей заинтересованосци парастох за цукрову цвиклу.

У рубрики Култура и просвита представена сликовнїца „Наша свадзба” у керестурскей и коцурскей школи. Закончени и 56. Драмски мемориял Петра Ризнича Дядї у Руским Керестуре. На бокох Людзе роки живот, у сериялу о наших дохторох, представена др Блаженка Сеґеди Свркота з Нового Саду, а ту и треце предлуженє Фельтону вочи 100-рочнїци Руских новинох.

На Духовних бокох звит о благодарней архиєрейскей Служби з хтору преславени 70. родзени дзень владики Георгия Джуджара, а зазначене и стретнуце коцурских школярох у Каритасу.

Од спортских темох актуални резултати фодбалских змаганьох. На Општинским змаганю у атлетики школяре зоз Руского Керестура зазначели одлични резултати.

Литературне слово додаток у найновшим чишлє новинох, а ту и рецепти и поради у стаємней рубрики Горуци тепши.

ПОВЯЗАНИ ТЕКСТИ