МЕЛНИК (БОЛГАРСКА) – На Осемнастим Медзинародним фестивалє „Мелницки вечари поезиї” у Мелнику, Општина Сандански, у Републики Болгарскей, Олена Планчак-Сакач достала другу награду у катеґориї „поезия на шлєбодну тему”. На розписани конкурс за писнї на южнославянских язикох Планчак-Сакачова конкуровала з пейцома писнями на сербским язику и за писню „Зидови” достала другу награду.
У тей катеґориї першу награду достала поетеса Боряна Калистрина з Болгарскей, трецу Иван Корпонаи зоз Словениї, а Кристина Мрдя з Републики Сербскей достала награду за цалосну творчосц и доприношенє появзованю южнославянских литературох.
Спомнути конкурс розписали Фондация „Мелницки вечери поезиї” и Видавательна хижа „Мелник”, а конкурую коло двасто поетове. На Фестивалє додзелєни награди и за гаику поезию, як за писню о Мелнику и о вину.
Писнї оценьовал жири у составе Никола Сарайлия, Димитр Христов и Денко Ранґелов, а награду Планчак-Сакачовей з Болгарскей принєсол Неделько Терзич, писатель зоз Сримскей Митровици.