ДЮРДЬОВ – Премиєра дзецинскей драмскей представи о окремней любови медзи дзецми и родичами, у виводзеню Дзецинскей драмскей секциї дюрдьовского КУД „Тарас Шевченко”, отрима ше на нєдзелю, 18. марца, з початком на 18 годзин.
Представа „Планета Норим” поставена на текст Мирона Канюха у режиї ЯкимаЧапка, котрому ше удало афирмовац руски язик през роботу з младима дюрдьовскима ґлумцами.
У Представи ґлумя Дария Такач, Мария Горняк, Иван Хромиш, Єлена Мудри, ефект страшеня виводзи Лука Кухар, сплєтаня Желяна Такач, жаданя Елеонора Винаї, шпивач у представи ґлумец Иґор Салаґ, а за додатни ефекти задлужени Борис Хромиш. Уходнїца кошта 100 динари.