ШИД – У Руским доме, всоботу 12. мая, отримани шаховски турнир у рамикох Спортских бавискох (СБ) „Яша Баков“, на хтори ше одволали лєм три екипи – зоз Вербасу, Нового Саду и Шид, котри бул домашнї.
Перше место освоєли шахисти „Папивинґа” зоз двома побидами, други були Шидянє КПД „Дюра Киш” з єдну побиду, а треце место припадло Рускому културному центру котри нє зазначел анї єдну побиду.
Того дня отримани и швидкоцагаюци турнир на хторим бавели осемцме шахисти по системи кажди зоз каждим, а перше место освоєл Предраґ Данилович, друге Радивой Милашинович, а треци бул Владимир Щурок.
Предсидатель Управного одбору СБ Иван Папуґа придал найлєпшим шахистом подзекованя и медалї.