СЕРБИЯ – Нєшка, 15. фебруара, Дзень державносци Сербиї, як здогадованє на дзень кед 1804. року у Орашцу почало Перше сербске повстанє за ошлєбодзенє од Туркох, як и на преглашенє першого Уставу Сербиї, тиж 15. фебруара, алє 1835. року на Скупштини у Краґуєвцу, так же то источашнє и Дзень уставносци Сербиї. Понеже 15. фебруар и церковне швето Стритениє господнє по юлиянским календаре, спомнути устав познати и як Стритенски.
Тот датум ше як Дзень державносци у Сербиї славело по наставанє Кральовини Сербох, Горватох и Словенцох, а одлуку же би 15. фебруар, на Стретениє, знова бул Дзень державносци, Народна скупштина Сербиї принєсла 10. юлия 2001. року.
Дзень державносци ше слави два днї, так же пияток и собота, 15. и 16. фебруар, нєроботни днї. Пре нєроботни дзень, нови информациї на Рутенпресу буду на пондзелок, 18. фебруара.