ДЮРДЬОВ – Дзецински тидзень у Дюрдьове будзе означени зоз рижнима активносцами, як у Основней школи ,,Йован Йованович Змай”, так и у оводи.
Школяре буду мац орґанизовани биоскоп, буду правиц колачи и хижки за птици, буду мац роботню ,,Нє чежко буц фини” и рижни други активносци.
Кед слово о наймладших валалчанох, вони буду мац орґанизовану представу, спортски дзень, нащивя библиотеку и Месну заєднїцу, а на пияток, на 10 годзин отримаю гуманитарни вашар за Филипа Хромиша на пияцу.