МЛАДЕНОВО – Фодбалски клуб „Искра” одбавел остатнє, 30. першенствене коло у другей полусезони ВФЛ Сивер, внєдзелю, 7. юния у Младенове бавел процив екипи ФК „Будучносц” и страцел, а конєчни резултат бул 5:2.
Ґоли за екипу Искри дали Зоран Сердар и Филип Хромиш.
За екипу Искри бавели: Вид Неделькович, Филип Хромиш, Павле Човс, Зоран Сердар, Мирослав Живойнов, Марко Неделькович, Дамян Ґубаш, Душан Бокан, Лука Дорокхази, Саво Прелевич и Алекса Дорокхази.
До бависка вошол Саша Загорянски, а на лавочки ище були Ненад Петкович, Оґнєн Салонтаи и Василиє Дукич.
После одбавеного 30. кола, закончела ше сезона 2025/26 ВФЛ Сивер, а екипа Искри першенство закончела на предостатнїм, 15 месце на таблїчки. Нажаль, тото место водзи до нїзшого ранґу бавеня, так же шлїдуюцу сезону, екипа Искри будзе бавиц у ПФЛ Суботица. Шейсц стретнуца победзела, пейц одбавела нєришено, док є аж у дзеветнац поражена. Освоєла 23 боди и ма неґативну ґол розлику, дзе дала 39, а достала 63 ґоли.
